Saakashvılı áýejaı mańynan júzim alqabyna jer bólýdi usyndy
ASTANA. 11 mamyr. QazAqparat - Grýzııa Prezıdenti Mıhaıl Saakashvılı Tbılısı halyqaralyq áýejaıynyń mańynan júzim alqabyna úlken jer telimin bólýdi usyndy, dep jazady BNews.kz.
Memleket basshysynyń aıtýynsha, óziniń sharabymen tanymal Grýzııa jerine kelgen týrıster birden júzim alqabyn kórýleri kerek.
«Kelgen meımandardyń barlyǵyna kishkene qutydaǵy sharapty kádesyı retinde syıǵa tartatyn bolamyz», - dedi ol.
Júzim sharýashylyǵy týraly sóz qozǵaǵan Saakashvılı onyń «ulttyq ıdeologııanyń bir bóligi» ekenin atap ótti. Sonymen qatar ol sharap jasaýǵa el halqyn jastaıynan baýlý kerektigine toqtaldy. Sharap jasaý, prezıdent aıtqandaı, grýzın bıi sııaqty mindetti túrde mektep baǵdarlamasyna enýi kerek.
REGNUM aqparatyna sáıkes, 2011 jyldyń sońynda Grýzııada alǵashqy júzim jasaýǵa úıretetin mektep ashylǵan. Onda oqıtyn stýdentter konkýrstyq negizde iriktep alynypty.
Jergilikti bılik ókilderiniń aqparatyna qaraǵanda, 2011 jyly Grýzııadan 18 mıllıon quty sharap eksporttalǵan. Onyń negizgi tutynýshysy taıaý shetel: Ýkraına, Belarýs jáne Qazaqstan syndy memleketter.
