Saakashvılı: Apatqa ushyraǵan Boeing-pen meniń áıelim ushýy tıis bolǵan
ASTANA. QazAqparat - Grýzııanyń burynǵy birinshi hanymy Sandra Rýlovs - Mıhaıl Saakashvılıdiń áıeli Ýkraına jerinde apatqa ushyraǵan malaızııalyq ushaqpen ushýy tıis bolypty. Rýlovs DDSU elshisi retinde Amsterdamnan ushyp shyqqan toppen birge konferentsııaǵa shaqyrtý alǵan, dep habarlady eks-prezıdent Shýster LIVE shoýy kezinde.
Bul týraly Rosbalt jazady.
«Eki aı buryn ol Indonezııada osy tektes konferentsııaǵa qatysqan. Al, birneshe kún buryn Avstralııada ótetin konferentsııaǵa shaqyrtý alǵanyn aıtty. Biraq, balasyn jalǵyz qaldyrǵysy kelmegendikten jáne aldyńǵy konferentsııadan sharshap oralǵandyǵy sebepti bul joly barmaıtyn bolyp sheshti. Onyń áriptesteri attanyp edi, bári qaza tapty», - dedi Saakashvılı.
Malaysia Airlines kompanııasyna tıesili Boeing-777 Kıevpen 16:20 (17:20 msk) shamasynda baılanysyn toqtatty. Keıin onyń Ýkraınanyń Donetsk oblysyna qarasty Grabovo aýylynyń mańynda apatqa ushyraǵany belgili bolǵan. Saldarynan bortta bolǵan 298 adam qaza tapty.
