Saakashvılı amerıkandyq ýnıversıtetke jumysqa turdy
ASTANA. 22 jeltoqsan. QazAqparat - Grýzııanyń burynǵy prezıdenti Mıhaıl Saakashvılı amerıkandyq Fletcher atyndaǵy quqyq jáne dıplomatııa mektebine jumysqa ornalasty, ol onda eýropalyq memlekettilik týraly dáris oqıdy. Lenta.rý agenttiginiń málimetine qaraǵanda, bul týraly oqý ornynyń saıtynda habarlandy.
Saakashvılıdiń dárister kýrsy basqa da zamanaýı taqyryptarǵa arnalmaq, ol 2014 oqý jylynyń kóktemgi semestrinen bastalady, dep naqtylady saıt. Bul jumysy úshin qansha syıaqy alatyny týraly eshteńe aıtylmaǵan.
Mekteptiń habarlamasynda Saakashvılıdi tájirıbeli saıasatker dep ataǵan, ol óz eliniń tarıhyn ózgertip, ony Batysqa qaraı burý arqyly ataǵy shyqqan.
Fletcher atyndaǵy quqyq jáne dıplomatııa mektebi Tafts ýnıversıtetiniń bir bóligi. Mektep 1933 jyly ashylǵan. Tafts ýnıversıteti Times halyqaralyq reıtıngisinde 87-shi oryn alady.
Saakashvılı 2004 jyldan 2013 jylǵa deıin eki merzim boıy Grýzııa prezıdenti boldy. Ol 2003 jylǵy «raýshan tóńkerisi» arqasynda bılikke keldi.
