S.J.Asfendııarov atyndaǵy QazUMÝ Professorlyq klınıkasy qyz-kelinshekterge arnaıy aktsııa uıymdastyrýda
ALMATY. 5 naýryz. QazAqparat - Almatyda 8 naýryz - áıelder kúnine oraı S.J.Asfendııarov atyndaǵy QazUMÝ-diń Professorlyq klınıkasy áıelder men qyz-kelinshekterge syılyq jasap, arnaıy aktsııa ótkizýde.
Merekelik aktsııa aıasynda mundaǵy klınıkanyń barlyq mamandaryna qaralý úshin 60 paıyzdyq jeńildik jarııalanǵan. 7 naýryzǵa deıin kez kelgen joǵary bilikti mamannyń qabyldaýy 1372 teńge bolmaq.
Názik jandylar 8 naýryzǵa deıin otorınolarıngolog, kardıorevmatolog, terapevt, onkolog, mammolog, stomatolog, hırýrg, gınekolog, dermatolog jáne t.b mamandardyń qabyldaýyna kire alady. Dárigerlerdiń barlyǵy - joǵary bilikti mamandar, medıtsına ǵylymdarynyń doktorlary men kandıdattary, professorlar.
S.J.Asfendııarov atyndaǵy Qazaq Ulttyq medıtsına ýnıversıtetiniń Professorlyq klınıkasy 2010 jyly halyqqa medıtsınalyq qyzmet kórsetý sapasyn jaqsartý maqsatynda ashylǵan jáne elimizdegi alǵashqy ýnıversıtettik klınıka bolyp tabylady. Aýrýlarǵa dıagnoz qoıý, olardy emdeý jáne aldyn alýdy zamanaýı deńgeıde jańa tehnologııalardy qoldana otyryp joǵary sapaly medıtsınalyq kómek usynady, baǵalar qoljetimdi ári qyzmet kórsetý sapasy óte joǵary deńgeıde. Ortalyq álemdik óndirýshilerdiń zamanaýı medıtsınalyq quraldarymen jabdyqtalǵan jáne keń aýqymdy qyzmet túrlerin usynady.
