S. Shaıynǵazynyń «Dúnıe-dáýren» atty poezııalyq jınaǵy jaryq kórdi

 Bul kitapqa avtordyń ár jyldary jazǵan óleńderi enip otyr. Qalamger kóńiline túıgen syrlaryn jyr arqyly jetkizgen. Shyǵarmalarynda adamgershilik, parasattylyq qasıetterdi joǵary qoıady. Kóńiline qaıaý túsirgen jaıttardy da jyrmen óre bilgen. Dos pen týysqa, el syılaǵan azamattarǵa arnaǵan óleńderi de osy jınaqtan oryn alǵan.

Jınaqta aqynnyń bir-bir shýmaqtan jazǵan «Oı tamshylary» jeke berilgen. Bul kitap kópshilik oqyrmanǵa arnalǵan.

Seıfolla Shaıynǵazy kezinde Qostanaı, Torǵaı oblystyq  gazetterde jumys istegen. 1996 jyldan beri el gazeti - «Egemen Qazaqstanda» eńbek etip keledi. Oqyrman qaýym ony qarymy myqty jýrnalıst retinde jaqsy biledi.

Buǵan deıin poezııalyq jáne pýblıtsıstıkalyq birneshe kitaptary jaryq kórgen.