S. Shaıahmetovtiń isine baılanysty alǵashqy sot otyrysy ótip jatyr
ASTANA. QazAqparat - Astana qalasy № 2 Almaty aýdandyq sotynda sybaılas jemqorlyq boıynsha aıyptalǵan burynǵy Bilim jáne ǵylym vıtse-mınıstri Saıat Shaıahmetovtiń isine qatysty alǵashqy sot otyrysy bastaldy. Oǵan sýdıa Baqytbek Syzdyqov tóraǵalyq etýde.
Eske sala keteıik, 2013 jyldyń 1 qarashasynda qarjy polıtsııasy S.Shaıahmetovke qatysty qylmystyq isti tergeýdi aıaqtaǵan bolatyn. Bul rette eks-vıtse-mınıstr Óskemende 700 oryndyq bilim berý mekemesi qurylysy kezinde qyzmet ókilettigin teris paıdalandy dep aıyptalyp otyr. Ol memleketke 1,1 mlrd. teńge kóleminde shyǵyn keltirdi delinedi.
Budan bólek, sotta aıyptalýshy retinde «Qazaqstan Respýblıkasy turǵyzylyp jatqan bilim jáne ǵylym nysandary dırektsııasy» JShS bas dırektory Pak, «Servıs JAK" JShS burynǵy bas dırektory Kıreev qatysýda. Olarǵa bıýdjet qarjysyn alaıaqtyq jolmen jymqyrdy degen aıyp taǵylǵan.
