S.Shápkenov BQO ákiminiń birinshi orynbasary bolyp taǵaıyndaldy

ORAL. 27 tamyz. QazAqparat - Batys Qazaqstan oblysy ákimi Nurlan Noǵaevtyń ókimimen jáne QR Prezıdenti Ákimshiliginiń kelisimimen Serik Jambyluly Shápkenov oblys ákiminiń orynbasary qyzmetinen bosatylyp, oblys ákiminiń birinshi orynbasary bolyp taǵaıyndaldy.

Oblys ákiminiń baspasóz qyzmetinen túsken málimetke qaraǵanda, S.J.Shápkenov 1979 jyly dúnıege kelgen, bilimi joǵary, Batys Qazaqstan memlekettik ýnıversıtetin bitirgen. Eńbek jolyn 2001 jyly Batys Qazaqstan qorshaǵan ortany qorǵaý qorynyń jetekshi mamany bolyp bastaǵan ol 2002-2006 jyldary oblystyq qarjy basqarmasynda jetekshi ekonomıst, bas maman boldy. 2006-2007 jyldary BQO ekonomıka jáne bıýdjettik josparlaý, aýyl sharýashylyǵy departamentteriniń bólim bastyǵy qyzmetin atqardy. 2007-2009 jyldary BQO ekonomıka jáne bıýdjettik josparlaý departamenti bastyǵynyń orynbasary, 2009-2012 jyldary osy basqarma bastyǵy, 2012 jyldyń qańtarynan oblys ákiminiń orynbasary boldy.