S.Seıfýllın atyndaǵy QazATÝ sportshylary belbeý kúresinen Álem chempıonatynan abyroımen oraldy
TANA. 2 qarasha. QazAqparat /Gúlmıra Alıakparova/ - S.Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev álemdik deńgeıdegi básekelerden Qazaqstan namysyn abyroımen qorǵap qaıtqan oqý ornynyń stýdent-sportshylarymen kezdesip, jeńisterimen quttyqtady.
Atap aıtar bolsaq, ústimizdegi jylǵy 13-16 qazan aralyǵynda Qyrǵyzstan Respýblıkasynyń Bishkek qalasynda ótken belbeý kúresinen Álem chempıonatynda 100 keli salmaq boıynsha synǵa túsken tehnıkalyq fakýltettiń 3 kýrs stýdenti Eskarhan Oskanov qola medaldi ıelendi. Atalmysh chempıonattyń qola júldesin 76 keli salmaqta óner kórsetken veterınarııa jáne mal sharýashylyǵy tehnologııasy fakýltetiniń 4 kýrs stýdenti Natalıa Sharafýdınova da qanjyǵasyna baılady.
A.Kúrishbaev sondaı-aq, Qazaqstan Respýblıkasy Táýelsizdiginiń 20 jyldyǵyna oraı 19 qyrkúıek pen 19 qazan aralyǵynda joǵary oqý ornynda ótken 1 kýrs stýdentteriniń dástúrli spartakıadasynyń jeńimpazdaryn quttyqtady. Sporttyń 11 túrin qamtyǵan saıys qorytyndysy boıynsha jalpy komandalyq esepte júldeli 1-inshi oryndy veterınarııa jáne mal sharýashylyǵy tehnologııasy fakýlteti, 2-inshi oryndy tehnıkalyq jáne 3-inshi oryndy energetıkalyq fakýltetter ıelendi.
