S.Seıfýllın atyndaǵy QazATÝ-ǵa V.I.Blınnıkov atyndaǵy altyn medal berildi
ASTANA. QazAqparat - BUU-daǵy ónertabysy boıynsha 8 elder arasynda elordadaǵy Qazaq agrotehnıkalyq ýnıversıteti eń úzdik JOO ataǵyna ıe boldy. Eýrazııalyq Keńestiń sheshimimen oqý ornynyń rektoryna altyn medal tapsyryldy, dep habarlady joǵary oqý ornynyń baspasóz qyzmeti.
S.Seıfýllın atyndaǵy QazATÝ - «Ónertapqyshtyq jáne patenttik jumys úlesi úshin» Eýrazııalyq patenttik uıymynyń V.I.Blınnıkov atyndaǵy altyn medalin ıelengen Qazaqstandaǵy tuńǵysh JOO.
2014 jylǵy 22 mamyrda Qazaq Ulttyq óner ýnıversıtetiniń «Shabyt» shyǵarmashylyq saraıynda Eýrazııalyq patenttik uıym atynan saltanatty marapattaý rásimi ótkizilip, S.Seıfýllın atyndaǵy Qazaq agrotehnıkalyq ýnıversıtetiniń rektory A.Q.Kúrishbaevqa ýnıversıtet ǵalymdarynyń tabysty kásiptik jáne ónertapqyshtyq qyzmeti úshin V.I. Blınnıkov atyndaǵy altyn medal jáne dıplom tapsyryldy.
V.I.Blınnıkov atyndaǵy altyn medal ıntellektýaldy menshigi belgili qaıratker, Eýrazııalyq patenttik uıymynyń negizin qalaýshy, Eýrazııalyq patenttik uıymynyń tuńǵysh prezıdenti Vıktor Ivanovıch Blınnıkovtyń qurmetine arnalǵan marapattaý bolyp tabylady. Eýrazııa aımaǵyndaǵy ónertapqyshtyq qyzmetiniń jáne quqyqtyq qorǵaý ónertabysynyń damýyna eleýli úles qosqany úshin ıntellektýaldy menshik tóńiregindegi ónertapqyshtar, mamandar jáne uıymdar atalǵan medalmen marapattalady.
Sońǵy 3 jylda ýnıversıtettegi ınnovatsııalyq belsendilik qarqyndy óskenin atap ótken jón. Bul baǵytta ǵylymı joba qarjysynyń kólemi 3 esege artty, menshiktik quqyqty qorǵaý qujatyna berilgen ǵylymı tapsyrys 4 esege ósti.
Agrarlyq zertteý ýnıversıteti mártebesin alý baǵytyndaǵy belgilengen mindetterge sáıkes ǵylymı zertteý jumystaryn keńeıtý jáne ınnovatsııalyq belsendilikti arttyrý S.Seıfýllın atyndaǵy Qazaq agrotehnıkalyq ýnıversıtetiniń negizgi basymdyqtary bolyp tabylady.
