S.Seıfýllın atyndaǵy QazATÝ-dyń jańa taǵaıyndalǵan rektory A.Kúrishbaev professor-oqytýshylar quramymen kezdesti
TANA. 21 qazan. QazAqparat /Gúlmıra Alıakparova/ - S.Seıfýllın atyndaǵy Qazaq agrotehnıkalyq ýnıversıtetiniń jańa taǵaıyndalǵan rektory Aqylbek Kúrishbaev oqý ornynyń professor-oqytýshylar quramymen kezdesti.
Kezdesýdiń basty ózegi - jańa basshylyqtyń ujymmen tanysýy. Óz sózinde A.Kúrishbaev, kez-kelgen joǵary oqý ornynyń dárejesi men bilim sapasy professor-oqytýshylar quramymen anyqtalatynyn alǵa tartty. Sondaı-aq, óziniń ýnıversıtetke qatysty bolashaq josparymen bólisti. Buǵan deıin qabyldanǵan «Ýnıversıtettiń 2011-2015 jyldarǵa arnalǵan Damý baǵdarlamasymen» tanysqanyn aıtyp, oǵan birqatar naqty ózgerister engizý týraly pikirin bildirdi.
Oqytýshylar da jańa rektorǵa saýaldaryn joldap, usynystaryn aıtty. Olardyń barlyǵyna tuşymdy jaýaptar qaıtarǵan A.Kúrishbaev, mańyzy joǵary ıdeıalardyń júzege asýyn óz baqylaýyna alatyndyǵyn jetkizdi.
