S.Seıfýllın atyndaǵy QazATÝ-dyń oqytýshylary «JOO-nyń úzdik oqytýshysy-2011» memlekettik grantyn ıelendi
ASTANA. 24 aqpan. QazAqparat - Astanadaǵy S.Seıfýllın atyndaǵy Qazaq agrotehnıkalyq ýnıversıtetiniń 8 oqytýshysy «Joǵary oqý ornynyń úzdik oqytýshysy-2011» memlekettik grantynyń ıegeri boldy.
Pedagogtarǵa memlekettik granttardy tapsyrý saltanaty Astanadaǵy Qazaq ulttyq óner ýnıversıtetinde ótti.
Eske salaıyq, dástúrli baıqaý ótken jyly 8 qarasha men 1 jeltoqsan aralyǵynda ótti. Oǵan 83 joǵary oqý ornynan 600-den astam úmitker qatysyp, nátıjesinde 200 ustaz «Joǵarǵy oqý ornynyń úzdik oqytýshysy» memlekettik grantynyń ıegeri atandy. Olardyń arasynda Astananyń eń kóne ýnıversıteti - S.Seıfýllın atyndaǵy QazATÝ-dyń 8 oqytýshysy bar: Sársenbaı Ábdirahmanov, Jaıdary Ábildına, Bolat Ábdikárimuly, ıÝrıı Baldjı, Nurlybaı Qajyǵalıev, Nıkolaı Kostıýchenkov, Saıahat Nókeshev jáne Bazarhan Rústembaev.
Ár granttyń quny - 3,2 mln. teńge. Bul qarajatqa baıqaý jeńimpazdary ǵylymı jumystaryn jalǵastyryp, shet eldiń jetekshi joǵary oqý oryndarynda tájirıbe jınaqtaı alady.
