S.Seıfýllın atyndaǵy QazATÝ-dyń belsendi stýdentteri 2010 jylǵy jetistikterin qorytyndylap, jańa josparlaryn aıqyndady
ASTANA. 25 qańtar. QazAqparat /Gúlmıra Álıakparova/ - S.Seıfýllın atyndaǵy Qazaq agrotehnıkalyq ýnıversıtetiniń belsendi, shyǵarmashyl jáne sportshy jastary barys jylynda jetken jetistikterdiń qorytyndysyn shyǵaryp, 2011 jylǵa jańa josparlardy aıqyndady.
Ýnıversıtettiń jastar isi jónindegi komıtet músheleriniń, kásipodaq komıteti, Stýdentter alıansy jáne jatahanalardaǵy stýdenttik keńes ókilderiniń bastaryn qosqan oqý orny basshysynyń tárbıe jáne áleýmettik máseleler jónindegi orynbasary Aleksandr Maıer, barys jyly agrarlyq ýnıversıtet úshin jetistigi men jeńisi mol, tabysty jyl bolǵanyn atap ótti.
«Bas shahar - Astanada ótken mańyzdy sharalardyń birde-bireýi Qazaq agrotehnıkalyq ýnıversıteti stýdentteriniń qatysýynsyz ótken emes. Jastar saıasatyn iske asyrý baǵytynda 2010 jylǵa josparlanǵan sharalar tabysty oryndaldy», - dedi A.Maıer.
Prorektor ótken jyldyń enshisine buıyrǵan birqatar mańyzdy sharalarǵa toqtalyp, olarǵa qysqasha sholý jasady. Máselen, Uly Otan soǵysyndaǵy Jeńistiń 65 jyldyq mereıtoıyna oraı agrarlyq ýnıversıtette kóptegen merekelik sharalar uıymdastyryldy. Solardyń ishinde Saryarqa aýdanynyń ardagerlerine arnalyp Á.Moldaǵulova eskertkishiniń janynda qoıylǵan teatrlandyrylǵan kórinis bar. Osy dataǵa arnalǵan respýblıkalyq baıqaýda «Aq jelken» stýdenttik teatry birinshi oryndy ıelendi.
Budan basqa, ózge ult ókilderinen quralǵan «Jiger» kóńildi tapqyrlar komandasy «Memlekettik til - meniń tilim» atty qalalyq baıqaýda úshinshi ret jeńimpaz atandy. Ýnıversıtettiń №5 jataqhanasy respýblıka boıynsha «eń úzdik jataqhana» dep tanyldy.
Sondaı-aq, «Elbesik arýy - 2010» jáne «Stýdenttik arý - 2010» qalalyq baıqaýlardyń jeńisteri osy ýnıversıttettiń boıjetkenderine buıyrdy. «Farab» án-bı shyǵarmashylyq toby Bolgarııada ótken halyqaralyq «Sofııa - 2010» festıvalinde dıplomant atandy. Názıra Saǵadýlla XIII halyqaralyq «Shabyt» baıqaýynyń «estradalyq vokal» atalymynda dıplomant atandy.
Astana qalasynyń Іshki saıasat basqarmasy uıymdastyrǵan qalalyq festıvalde «Aq jelken» stýdentter teatry men «Shabyt» qazaq ulttyq aspaptar orkestri eki birdeı bas júldeni ıelendi.
Oqý ornynyń stýdentteri, boksshylar Іlııas Súleımenov, Danııar Tólegenov pen Danııar Eleýsinovter Qazaqstan chempıondary atandy. Onymen birge, Gýanchjoýda ótken XVI Jazǵy Azııa oıyndarynda D.Eleýsinov altynnan alqa taǵynyp, bilim ordasynyń ǵana emes, kúlli qazaq jurtshylyǵynyń mereıin ósirdi.
Sporttyń 15 túrinen elordadaǵy JOO-lar arasynda ótken spartakıadada agrarlyq ýnıversıtettiń sportshylaryna teń kelgender bolmady. Sondaı-aq basketboldan erler men áıelder komandasy Qazaqstan Respýblıkasynyń chempıondary atandy.
Tórtkúl dúnıeni eleń etkizgen Astana Sammıtine agrarlyq ýnıversıtetten 95 stýdent atsalysyp, olardyń toǵyzyna Elbasy N.Á.Nazarbaevtyń alǵyshaty tabystaldy. Taǵy 45-ine QR Prezıdentiniń Іs basqarmasynan joldandy.
Taǵy bir aıta keterligi, 2010 jyldyń 19-22 qazan aralyǵynda ýnıversıtet memlekettik akkredıtteýden súrinbeı ótip, komıssııa músheleri stýdentterdiń ózin-ózi basqarý saıasatyna joǵary baǵa berdi», - dedi prorektor.
A.Maıer stýdentterdi sondaı-aq, 2011 jylǵy josparlarmen tanystyrdy. Bıyl el táýelsizdiginiń 20 jyldyq torqaly toıy atap ótiletinin tilge tıek etken ol, ýnıversıtet tarapynan uıymdastyrylatyn merekelik sharalardyń basym kópshiligi osy dataǵa arnalatynyn aıtty.
