S.Seıfýllın atyndaǵy Agrarlyq ýnıversıtet Webometrics reıtınginde 5202-inshi orynǵa kóterildi
ASTANA. 12 naýryz. QazAqparat - Astanadaǵy S.Seıfýllın atyndaǵy Qazaq agrotehnıkalyq ýnıversıtetiniń resmı saıty www.webometrics.info saıtynda jarııalanatyn álemdik JOO-lar reıtınginde 6 469-orynnan 5 202-orynǵa kóterildi.
«Saıt kólemi» sanatynda 2011 jyldyń shilde aıynda ýnıversıtet saıty (www.agun.kz ) 5 297-orynnan kóringen bolsa, bıyl 1 800-orynǵa kóterildi. Kórsetkish ótken jylǵydan úsh esege joǵary.
QazATÝ saıty «Google Akademııa» sanatynda da úlken jetistikke jetti. Máselen, byltyr 7 229-orynda bolsa, bıyl 2 951-orynǵa kóterilip, Qazaqstan JOO-larynyń arasynda 3-oryndy ıelenip otyr.
Webometrics saıtynyń álem boıynsha paıdalanýshylarynyń sany óte úlken. Saıt jyl saıyn 20 000-nan astam JOO-ǵa taldaý jasaıdy. ıAǵnı, JOO-lar saıttarynda ǵylymı eńbekter men akademııalyq materıaldardyń elektrondy nusqalarynyń qoljetimdi bolýyn, ınternet betterinde jaryq kórgen basylymdardyń sany men sapasyn baǵalap, reıtıngilerin anyqtaıdy. Bıyl Webometrics reıtıngisine dúnıejúzi boıynsha 20 369 JOO endi. Birinshi orynnan AQSh-tyń Garvard ýnıversıteti kórinse, tizimdi Sýdan eliniń Ǵylym jáne tehnologııa medıtsınalyq ýnıversıteti tuıyqtap tur.
