S.Saılaýbektiń kontsertinde órt shyqty

Osy oraıda máseleniń mán-jaıyn ánshiniń PR-menedjeri Rınat Táttibaıdan surap, tolyǵyraq bilgen edik, dep jazady baistars.kz .

«Serikbol 24 shilde kúni Esik qalasynyń ortalyq alańynda tegin kontsert bergen bolatyn. Onyń árbir keshinen soń mindetti túrde otshashý atylady. Sol kúni otshashý durys atylmaı, alań janyndaǵy bir úıdiń shóp jınalǵan qorasyna túsip ketip, órt shyqqan. Biraq, barlyǵy der kezinde óshirip úlgergen. Alla saqtap, zardap shekken adam joq. Otshashýǵa Serikboldyń Shyńǵys degen inisi jaýapty bolǵan. Úı ıesi túsinip, uıymdastyrýshylardy keshirdi.

Osy oqıǵadan keıin Serikbol qatty qorqyp qalǵanyn jáne kesh berýdiń ońaı emes ekenin aıtyp otyr. Bul onyń gastroldik sapar kezindegi ekinshi sátsiz oqıǵasy boldy. Osynyń aldynda Topar aýylynda bolǵan kontsertten keıin áriptesteri umytyp ketip, túnde 30 km jaıaý júrýine týra kelgen. Olar árbir keshten soń ýaqyttyń tyǵyzdyǵyna baılanysty asyǵyp, tezdetip shyǵýǵa tyrysady. Sol kezde janyndaǵylar onyń jankúıerlerimen sýretke túsip jatqanyn baıqamaı, qaldyryp ketken.

Mine, osyndaı jaǵdaılar boldy. Degenmen, ol jyldyń sońyna deıin elimizdi aralap shyǵýdy josparlap otyr. Búgingi Shamalǵanda bolǵan kontsertine 3000 adam kelipti», - dedi Rınat Táttibaı.