S.Sársenov qazaqstandyqtardy zań shyǵarý protsesine belsendi atsalysýǵa shaqyrdy
ASTANA. QazAqparat - QR Investıtsııalar jáne damý vıtse-mınıstri Sáken Sársenov qazaqstandyqtardy «Ashyq NQA» portaly arqyly normatıvtik-quqyqtyq aktilerdi belsendi talqylaýǵa shaqyrdy. Bul týraly ol búgin Ortalyq kommýnıkatsııalar qyzmetinde ótken brıfıngte málim etti.
«Ashyq NQA» portalynda 1416 normatıvtik-quqyqtyq aktilerdiń jobalary ashyq talqylaýdan ótti. Men elimizdiń azamattaryn jáne úkimettik emes uıymdardy bul protseske belsendirek aralasýǵa shaqyramyn. Eger memlekettik organdardyń NQA-ni ýaqytyly jarııalaýyna qatysty suraqtar bolsa, biz ol eskertýler boıynsha jumys jasaýǵa daıynbyz», - dedi vıtse-mınıstr.
Sonymen qatar onyń sózi boıynsha, «Ashyq bıýdjetter» portalynda jyl basynan beri 82 ákimshilik bıýdjettik baǵdarlamalardyń esebi jarııalanǵan. 2012 jyldan beri «Ashyq dıalog» portalyna 180 myń ótinish tústi, olardyń 130 myńy memlekettik organdardyń jaýabyn ala aldy. Al «Ashyq málimetter» barlyq memlekettik organdarmen 339 málimet jıyntyǵy jarııalandy.
