S. Sápıev sporttan ıÝNESKO chempıony atandy
ALMATY. 25 shilde. QazAqparat - Serik Sápıev BUU-nyń bilim, ǵylym jáne mádenıet jónindegi uıymynyń (ıÝNESKO) sport boıynsha chempıony atanǵan álemdegi 13-shi sportshy bolyp otyr.
«Astana Sport» basylymynyń jazýynsha, 2012 jyly Londonda ótken Olımpıada oıyndarynyń chempıonyn, Vel Barker kýbogynyń ıegerin osyǵan oraı ıÝNESKO men ISESKO (Bilim, ǵylym jáne mádenıet jónindegi ıslam uıymy) boıynsha QR Ulttyq komıssııasynyń tóraǵasy Imanǵalı Tasmaǵambetov quttyqtaǵan. Arnaıy dıplom men qurmetti ataq qazaq boksshysyna dástúr boıynsha BUU-nyń Parıjdegi shtab-páterinde tabys etilýi tıis. Degenmen Seriktiń óz dıplomyn 22-23 tamyz kúnderi Astanada ótetin 2013-2022 jyldardaǵy mádenıettiń jaqyndasýynyń halyqaralyq onjyldyǵyna baılanysty ulyqtaýdyń halyqaralyq forýmy aıasynda alýy da múmkin.
Jalpy buǵan deıin «UNESCO Champion for Sport» ataǵyn áıgili avtoshabondoz Mıhael Shýmaher, fýtbolshy Edson Arantıs dý Nasımentý ( Pele) men Oskar Tabares, dzıýdoshy Davıd Dýıe, jeńil atlet Sergeı Býbka, Vırgılıýs Alekna, Veronıka Kempbell-Braýn, hokkeıshi Vıacheslav Fetısov, aǵaıyndy boksshylar Vıtalıı jáne Vladımır Klıchko, tennısshi Jıýstın Enen, sýmoshy Hakýho Se, jaǵajaı voleıbolynyń sheberi Jaklın Sılva ıelengen bolatyn.
