S.Sápıev Golovkın-Ýeıd jekpe-jeginiń qaı raýndta aıaqtalýy múmkin ekendigine qatysty da óz boljamyn jasady
ASTANA. QazAqparat - 2012 jylǵy Olımpıada chempıony, Vel Barker kýbogynyń ıegeri, «Astana» kásibı boks klýbynyń bas dırektory Serik Sápıev Golovkın-Ýeıd jekpe-jegine qatysty óz boljamyn jasady, dep habarlady Vesti.kz.
«Gena jeńiske jetetindigine senimdimin. Onyń qarsylasy jaıynda naqty birdeńe aıtý qazir qıyn. Sebebi ol týraly málimet az. Sondyqtan ol aıtarlyqtaı myqty emes. Degenmen, álsiz dep te aıtýǵa kelmeıdi. Gena qapshyqtarmen judyryqtaspaıdy. Ýeıdtiń óz mashyǵy bar, nátıjeleri de jaqsy, 18 ret jeńip, esh ýaqytta jeńilistiń aşy dámin tatpaǵan. Biraq, Golovkın sııaqty juldyz emes. Jalpy, Gennadıı ony esh qıyndysyz jeńedi»,- dedi S.Sápıev.
Sondaı-aq ol jekpe-jektiń qaı raýndta aıaqtalýy múmkin ekendigine qatysty da óz boljamyn jasady.
«Menińshe, besinshi, ne altynshy raýndta. Jyldam nokaýtty da kútýdiń qajeti joq. Genaǵa judyryqtasý qajet qoı. Degenmen, bul kezdesýdi Gena nokaýtpen aıaqtaıdy. Ol ádettegideı jumys isteıtin bolady. Menińshe, bastapqy sátten-aq basymdyq tanytqanymen kezdesý birneshe raýndqa sozylady», - dedi ol.
