S&P Túrkııa reıtıngi boıynsha boljamyn tómendetti
ASTANA. 5 mamyr. QazAqparat - Standard & Poor's Halyqaralyq reıtıngtik agenttigi Túrkııaǵa qatysty óz boljamdaryn ózgertip otyr, dep habarlaıdy BNews.kz.
Agenttiktiń sońǵy aqparattaryna qaraǵanda, Túrkııanyń sheteldik valıýtadaǵy «VV/V» jáne «VVV-/A-3» ulttyq valıýtadaǵy nesıe reıtıngi oń baǵadan turaqty deńgeıge deıin tómendedi.
S&P málimdeýinshe, mundaı qadam syrtqy qaryzy aıtarlyqtaı Túrkııanyń nesıe óteý qabileti kórsetkishteriniń tómendeý qaýpin arttyratyn suranystyń tómendeýi men saýda sharttarynyń nasharlaýyna baılanysty jasalyp otyr.
«Qalyptasqan jaǵdaıǵa baılanysty eldiń egemen reıtıngi boıynsha boljamdy qaıta qaraý sheshimi qabyldandy, jáne bul sheshim atalǵan deńgeıde aldymyzdaǵy 12 aı ishinde ózgerissiz qalatyndyǵyna múmkindik zor,» - dep habarlamada aıtylǵan.
Sáýir aıynyń málimetterine qaraǵanda, Túrik eliniń eksporty jyl ishinde 2,9% tómendep, 11 mlrd 410 mln dollardy quraǵan. Degenmen, aqparatqa sáıkes, jyl basynda ótken jyldyń sáıkes kezeńinemen salystyrǵan eksport kólemi 5,9%-ǵa joǵary jáne 45 mlrd 660 mln dollarǵa deıin jetken.
