S&P Qazaqstannyń táýelsiz nesıelik reıtıngin rastady
ASTANA. QazAqparat - «BBB-/A-3» deńgeıindegi «Turaqty» boljamymen egemendi kredıttik reıtıngin rastady, dep habarlaıdy QazAqparat QR Ulttyq ekonomıka mınıstrliginiń baspasóz qyzmetine silteme jasap.
Qazaqstannyń reıtıngin qoldaıtyn negizgi faktorlar - QR Ulttyq qorynyń qosymsha kiristeriniń esebinen qalyptasqan oń balanstyq kórsetkishterdiń, sondaı-aq aldaǵy 4 jylda jıyntyq kólemi Qazaqstannyń syrtqy ótimdi aktıvterinen aspaıtyn tómen memlekettik boryshtyń bolýy. Sarapshylardyń pikirinshe, shyǵystardy shekteý jáne aıtarlyqtaı memlekettik kirister 2018 jyly jáne odan keıingi kezeńde bıýdjettiń teńgerimine yqpal etedi. Buǵan qosa, s&p sarapshylarynyń esepteýlerine sáıkes, 2021 jylǵa deıingi kezeńde shoǵyrlandyrylǵan bıýdjette kishigirim oń saldo boljanady. Budan basqa, ınflıatsııa 2016 jylǵy qos tańbaly kórsetkishterden bıylǵy jyly QRUB-nyń belgilengen dálizi 5%-7%-ǵa tómendeýi belgilenedi.
Qazirgi ýaqytta sarapshylar 2021 jylǵa deıingi kezeńde, jańa salyq kodeksiniń jeńildikter men artyqshylyqtar rejimin ońtaılandyrý arqyly memlekettiń tabysyn arttyryp, teńsizdikti azaıtýyn kútýde.
Sarapshylardyń baǵalaýynsha, memlekettik ınfraqurylymdy damytý baǵdarlamalary 2018-2021 jyldardaǵy ekonomıkalyq ósý qarqynyn qoldaıdy jáne ortasha 3% quraıdy.
