S&P iri eýropalyq bankterdiń reıtıngilerin tómendetti
ASTANA. QazAqparat - Standard & Poor's halyqaralyq reıtıngi agenttigi eýopalyq alty banktiń nesıelik reıtıngilerin tómendetti, dep habarladyvestifinance.ru.
Atap aıtqanda, agenttiktiń seısenbidegi baspasóz baıanynda Barclays Plc, Credit Suisse Group AG, HSBC Holdings Plc, Lloyds Banking Group, Royal Bank of Scotland Group Plc jáne Standard Chartered Plc bankteriniń uzaq merzimdi nesıelik reıtıngileri tómendetilgeni habarlanǵan.
Nemistiń Commerzbank AG, Deutsche Bank AG jáne avstrııalyq Raiffeisen Zentralbank Oesterreich bankteriniń, sondaı-aq olardyń birqatar enshiles kompanııalarynyń reıtıngileri «keleńsiz» boljammen qaıta qaraý tizimine engizildi. Olardy qaıta qaraý 2015 jyldyń mamyryna aıaqtalady dep kútilýde.
Ulybrıtanııanyń, Germanııanyń, Shveıtsarııanyń jáne Avstrııanyń iri jáne júıelik mańyzdy bankteri reıtıngisiniń tómendeýi Eýroodaqtyń ótken jyly qabyldanǵan bankterdi ońaltý jáne taratý jónindegi dırektıvasymen baılanysty.
S&P sarapshylarynyń pikirnshe, bankterge shuǵyl memlekettik qoldaý kórsetý múmkindigi tómendegen. Qarjy uıymdary endi daǵdarys jaǵdaıynda ózderiniń shyǵyndaryna ózderi jaýap beretin bolady.
