S. Omarov: Qajet bolǵan jaǵdaıda fermerler dándi daqyldardyń ósip-ónýin jedeldetetin stımýlıatorlar qoldanýy kerek
«Sharýalar óz kezeginde dala jumystaryn ótkizý boıynsha durys tásilmen strategııany ázirlep, tabıǵı qubylystardyń saldaryn azaıtýǵa daıyn bolý kerek. Munymen qosa, egin egý naýqany keshiktirilgen jaǵdaıda dıhandar egisti kútip-baptaý tehnologııasyna ózgerister engizýge ázir bolý qajet. Naqtyraq aıtqanda, dándi jáne maıly daqyldardyń ósip-ónýin jedeldetetin stımýlıatorlar qoldaný eskerilýi tıis. Budan basqa, egistikti zııankesterge jáne aýyl sharýashylyǵy daqyldarynyń aýrýlaryna qarsy ýaqtyly óńdeýdi nazardan tys qaldyrmaǵan jón»,- dedi mınıstrdiń orynbasary.
Onyń sózine qaraǵanda, Aýyl sharýashylyǵy mınıstrligi kóktemgi dala jumystaryn der kezinde ótkizý úshin barlyq qajetti jaǵdaı jasaýda. Desek te, sharýalar óz tehnıkalyq múmkindikterine, grafıgi men qajettilikterine saı egin egýde. Mınıstrlik árbir jeke sharýashylyqtaǵy kóktemgi dala jumystarynyń ótkizý barysyna yqpal ete almaıdy.
«Memleket pen Aýyl sharýashylyǵy mınıstrligi tarapynan qabyldanǵan sharalardyń arqasynda naýqan basynda kóktemgi dala jumystaryn ońtaıly ýaqytta ótkizý úshin aýyl sharýashylyǵy taýaryn óndirýshiler qarjymen, janar-jaǵarmaı materıaldarymen, tuqym jáne tehnıkamen qamtamasyz etildi»,-dedi S. Omarov.