S.Myńbaev: Tórtinshi munaı óńdeý zaýytyn salýdy 2016 jyldan bastaý qajet

ASTANA. 22 sáýir. QazAqparat - Munaı jáne gaz mınıstri Saýat Myńbaev Qazaqstanda salynatyn tórtinshi munaı óńdeý zaýytynyń qurylysyna 2016 jyldan bastap kirisý kerek dep sanaıdy.

Mundaı pikirdi mınıstr S. Myńbaev búgin Májilistegi Úkimet saǵatynda málim etti.

«Tórtinshi zaýytty qaıda salamyz, bul ázirshe ashyq másele bolyp otyr», - deıdi mınıstr S. Myńbaev. Onyń aıtýyna qaraǵanda, qazirgi úsh zaýyttaǵy jańǵyrtý jumystary 2016 jyldyń basyna qaraı aıaqtalady.

«Munaı ónimderine ishki naryqtyń suranysy boıynsha táýelsiz baǵalaýlar men ózimizdiń esepteýlerimiz bar. Soǵan qaraǵanda, jańǵyrtylǵannan keıingi úsh zaýyttyń qýaty 2024 jylǵa qaraı ishki suranysty tolyq jaba almaýy múmkin», - dedi mınıstr S. Myńbaev.