S.Muqashev memlekettik tildi erkin meńgermegen - Lıngvıstıkalyq komıssııa
"Sizge jazba jumysyna "Qazaqstan assambleıasy - Qazaqstan tabysy" degen taqyryp keldi. Taqyrypty asha almadyńyz. Shynynda bul assambleıanyń tabystylyǵy ózge memlekette joq. Ashý kerek edi, shynynda da taqyrypty asha almadyńyz. Jumys saýatsyz jazylǵan. 35 qate ketipti eki bettik jumystan. Onyń ishinde emle qatesi- 11, tynys belgisi- 15, stıli - 9", - dedi kandıdattyń synaq nátıjesin jarııa etken QR Prezıdenttigine kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııa tóraǵasy Myrzataı Joldasbekov.
Úmitkerge ekinshi kezeńde Abaıdyń qara sózderi, naqty aıtqanda 43-shi qara sózi túsken. "Ejiktep oqydy, birinshi synyp balasy sııaqty keıbir sózderdi qaıtalaýmen boldy. Unamsyz degen sózdi 7 ret oqydy, bastyq degen sózdi oqı almady. Aýyzeki sóıleı alǵanymen, úmitker oqı almaıdy dep esepteıdi komıssııa", - dedi ol. «Kózildirik durys bolmady sosyn oqı almadym. Ol qate pikir. Sony eskerińiz", - dedi komıssııa múshelerine S.Muqash.
Úshinshi tapsyrma retinde "halyq tarıhı jáne rýhanı jádigerler" taqyryby túsken.
"Rýhanı jádigerge ne jatatynyn siz túsinbeısiz. Ydys-aıaq, qamshy, kıim-keshek, sandyq, osylardyń barlyǵyn siz bizge tizip berdińiz. Lıngvıstıkalyq komıssııanyń qorytyndysy: Serik Tasqarauly Muqash qazaq tilin meńgermegen. Sizge daıyndalý kerek", - dedi M.Joldasbekov.
