S.Mataev 300 mln teńgeden astam qarajat jymqyrdy degen kúdikke ilindi - Almaty boıynsha sybaılas jemqorlyqqa qarsy is-qımyl departamenti
ASTANA. QazAqparat - Almaty qalasy boıynsha sybaılas jemqorlyqqa qarsy is-qımyl bıýrosy Aqparattandyrý jónindegi komıtet pen «Qazaqtelekom» AQ-na memlekettik saıasatty damytý men baspa basylymdaryna materıaldar jarııalaýǵa bólingen 300 mıllıon teńgeden asa qarajattyń jymqyrylǵanyn anyqtady.
«Atalǵan vedomstvolar osy maqsatta «QazTAG HAA» JShS jáne «Ulttyq baspasóz klýby» qoǵamdyq birlestigimen kelisimder bekitken.
Tapsyrys berýshilerdiń basty talaptary turǵyndarǵa memleket júrgizip jatqan saıasat týraly aqparat taratý jáne jalpy ashyqtyqty qamtamasyz etý. Alaıda bul talaptar oryndalmady. BAQ-ta jarııalanýy úshin tólengen aqparattar qoǵam úshin jabyq túrde jarııalandy. Materıaldarǵa qol jetkizý úshin qosymsha qarajat tóleý mindetteldi.
Al, Aqparattandyrý komıteti aýdarǵan 80 mln. teńge kólemindegi jáne «Qazaqtelekom» aýdarǵan 260 mln. teńge kólemindegi qarjyny Ulttyq baspasóz klýbynyń basshysy Seıitqazy Mataev qolma-qol aqshaǵa aınaldyrdy. Sonymen qatar, tergeý anyqtaǵandaı, zańsyz kásipkerlikpen aınalysqan Mataev 1,4 mlrd. teńge somasyndaǵy qarajatty qaltasyna basty, 327 mln. teńge kólemindegi salyq tólemedi», - dep habarlady Sybaılas jemqorlyqqa qarsy is-qımyl ulttyq bıýrosynyń Almaty qalasy boıynsha departamentiniń baspasóz qyzmetinen. Sonymen birge, jergilikti atqarýshy organdardyń osyndaı maqsattarǵa bólingen 169 mln teńge somasynda qarajat jymqyrý faktisi de tekserilip jatyr.
Mataevqa aqsha jymqyrdy jáne salyq tóleýden jaltardy degen aıyp taǵylyp otyr.
Osy qylmystar úshin múlki tárkilenýmen birge 6 jyldan 12 jylǵa deıin bas bostandyǵynan aıyrylý jazasy qarastyrylǵan.
Búgingi kúni keltirilgen zalaldyń shyǵynyn óteý úshin sot sanktsııasymen Mataevtyń múlkine tyıym salyndy.
Mataev jáne qylmystyq istiń basqa da qatysýshylaryna tıisti tergeý amaldary júrgizilýde. Oǵan qatysty protsesstik májbirleý sharalaryn qoldaný máselesi qarastyrylýda.
Búgin berilgen press-konferentsııa Mataevty qylmystyq jaýapkershilikten bas tartý jáne tergeýdiń obektıvti júrgizilýne kedergi keltirý maqsatynda uıymdastyrylǵan.
