S.Kýlagın: Sý tasqynynan zardap shekken orazaqtyqtar qyrkúıektiń ekinshi jartysynan bastap jańa úılerge qonystanady (FOTO)
KÓKShETAÝ. QazAqparat - Orazaq aýylynda kóktemgi sý tasqynynan zardap shekkender qyrkúıek aıynyń ekinshi jartysynan bastap jańa úılerge qonystana bastaıdy. Bul týraly búgin oblys ákimi Sergeı Kýlagınniń Tselınograd aýdanyna jumys sapary barysynda aıtyldy.
S.Kýlagınniń aıtýynsha, búgingi kúni Tselınograd aýdanynda kóktemde qar sýynan zardap shekkenderge barlyǵy 298 jańa páter berý kózdelgen. «Bıylǵy jylǵy kóktemgi sý tasqynynan Aqmola oblysyndaǵy birqatar eldi mekendi sý shaıyp ketip, halyqty biraz ábigerge saldy. Sonyń ishinde Tselınograd aýdanyndaǵy Orazaq aýylynda 200 júzge jýyq úıler topan sýdyń saldarynan jaramsyz dep tanyldy. Osy kúni tabıǵat apatynyń zardaptaryn joıý úshin aýylda abattandyrylǵan jáne ınjenerlik jelileri bar eki páterli júz turǵyn úıdiń qurylysy júrgizilýde. Mundaǵy ár páterdiń kólemi 83,6 sharshy metrdi quraıtyn bolady. Bul úıler baspanalary jaramsyz bolyp qalǵan turǵyndarǵa berilmek. 10 sotyq jer aýmaǵy qorshalyp, sharýashylyqqa qajetti qora-qopsysyn da salý kózdelgen. Qazirgi kezde osyndaı 47 úıdiń qabyrǵalary turǵyzylyp, tóbe shatyry, esik jáne terezeleri jabylýda. Qyrkúıek aıynyń ekinshi jartysynan bastap turǵyndardy jańa baspanaǵa qonystandyra bastaımyz. Al, qazan aıynda tolyq kóshiriletin bolady», dedi oblys ákimi óz sózinde. Sonymen qatar, aýylda 20 jyl bos qańyrap turǵan eki qabatty burynǵy mádenıet úıiniń ǵımaraty ýaqytsha mektep retinde qaıta qalpyna keltirilýde. Osynda aýyl joldary jóndelip, bóget te turǵyzylýda. Odan basqa Aǵanas, Shnet, Aqmol jáne Qosshy aýyldarynyń turǵyndary úshin eki 45 páterli kópqabatty úıler salynýda. Jalpy, Tselınograd aýdanynda kóktemgi sý tasqynynan zardap shekkenderge barlyǵy 298 jańa páter berilmek. Qurylys jumystarymen tanysqan óńir basshysy barlyq nysandy kestege saı, belgilengen merziminde tapsyrýdy talap etti.
