S.Kýlagın Kókshetaý kóshelerin jaıaý aralap shyǵyp, sanıtarlyq tazalyǵyn tekserdi (FOTO)
KÓKShETAÝ. QazAqparat - Búgin Aqmola oblysynyń ákimi Sergeı Kýlagın Kókshetaý qalasyn abattandyrý, sanıtarlyq tazartý jáne kógaldandyrý boıynsha qolǵa alynǵan jumystardyń barysyn tekserdi, dep habarlady oblys ákiminiń baspasóz qyzmetinen.
Aımaq basshysy aldymen Qopa kóliniń jaǵasynda salynyp jatqan provaslavtar shirkeýiniń qurylysymen tanysty. Osy kúni qurylys alańy tazartylyp, birer kúnde nysannyń qazyǵyn qaǵý jumystary bastalmaq.
Sonymen qatar Kókshetaý qalasynyń ortalyq Gorkıı jáne Abaı kóshelerin de jaıaý aralap, qala tazalyǵyna nazar aýdardy. Turǵyndarmen sóılesip, qalanyń syrtqy kelbetin jaqsartý týraly pikirlerine qulaq túrdi. Osy rette, aımaq basshysy barlyq turǵyndardy aǵash otyrǵyzyp, qalany taza ustaýǵa jáne jalpyqalalyq senbilikterge shyǵyp otyrýǵa shaqyrdy.
Eske sala keteıik, Aqmola oblysynda 4 sáýir jáne 20 mamyr aralyǵynda óńirdi abattandyrý, sanıtarlyq tazartý jáne kógaldyndyrý boıynsha aılyq jarııalanyp otyr. 
