S.Kýlagın Aqmola oblysynyń ardagerleri uıymyna 500 myń teńgeniń sertıfıkatyn tapsyrdy (FOTO)
KÓKShETAÝ. QazAqparat - Kókshetaýda Egde jastaǵy adamdar men múgedekterdi áleýmettik qoldaý aılyǵy aıasynda Aqmola oblysynyń ardagerleri uıymy shyǵarmashylyq ujymdardyń oblystyq baıqaý-festıvali aıasynda gala-kontsert ótti.
Egde jastaǵy adamdar men múgedekterdi áleýmettik qoldaý aılyǵy joǵary deńgeıde atap ótý úshin, ardagerlerdi ardaqtaý maqsatynda Aqmola óńirinde de jan-jaqty jumystar qolǵa alyndy. Búgin osy maqsatta «Kókshetaý» mádenıet saraıynda óńirdegi shyǵarmashylyq ujymdardyń qatysýymen gala-kontsert ótip, onda halyqtyq-dástúrli, patrıottyq jáne lırıkalyq ánder aıtyldy. Sharaǵa óńirdegi 200-den astam ardagerler qatysty. Mádenıet saraıynyń foıesinde ardagerler uıymdary ázirlegen úzdik ekspozıtsııalardy kórsetýmen taqyryptyq kórme ótkizildi. Osynaý sharaǵa qatysqan oblys ákim Sergeı Kýlagın jınalǵandar aldynda quttyqtaý sóz sóılep, Egde jastaǵy adamdar men múgedekterdi áleýmettik qoldaý aılyǵynyń mańyzdylyǵy men elimizdiń keleshek urpaǵyn tárbıeleýdegi soǵys jáne eńbek ardagerleriniń eńbekterine shynaıy rızashylyǵyn bildirdi. Óńir basshysy Aqmola oblysy ardagerleriniń uıymyna 500 myń teńgeniń sertıfıkatyn tapsyrdy. Sonymen qatar, oblystaǵy departamentter men basqarmalardyń atynan oblystyq baıqaýdyń jeńimpazdary men qatysýshylary túrli atalymdar boıynsha marapattaldy. Shara sońynda gala-kontsertke qatysýshylarǵa oblys ákimi atynan yqylas gúl shoǵy tapsyryldy.
