S.Qaıyrbekova «Salamatty Qazaqstan» baǵdarlamasynyń 2013 jylǵa arnalǵan basymdyqtary men mindetterine toqtaldy
ASTANA. 19 naýryz. QazAqparat - Búgin Úkimettiń selektorlyq rejimdegi otyrysynda QR Densaýlyq saqtaý mınıstri Salıdat Qaıyrbekova «Salamatty Qazaqstan» memlekettik baǵdarlamasynyń 2013 jylǵa arnalǵan basymdyqtary men mindetterine keńinen toqtaldy.
«Birinshi. Ana men bala ólimin, qan aınalymy júıesi aýrýlarynan, onkologııalyq aýrýlardan, jaraqattardan, týberkýlezden ólimdi tómendetý, kóliktik medıtsınany damytý jónindegi is-sharalardy iske asyrý jalǵastyrylatyn bolady. Ekinshi. MSAK áleýmettik-baǵdarlanǵan úlgisi odan ári damytylady. Úshinshi. Dárilik qamtamasyz etý júıesi jetildiriletin bolady, sonyń ishinde ambýlatorııalyq deńgeıde formýlıarlyq júıe engiziledi», - dedi ol.
Onyń atap ótýinshe, tórtinshiden, jalpy densaýlyq saqtaý júıesine ınnovatsııalyq jobalardy jáne medıtsınalyq kómektiń ozyq tehnologııalarynyń transfertin engizý jalǵastyrylady. Besinshiden, halyqaralyq normalarǵa sáıkes medıtsınalyq kómek kórsetýdiń standarttary jetildiriledi. Altynshydan, memlekettik sektorǵa menedjenttiń qazirgi zamanǵy quraldary, birlesip basqarý qaǵıdattary belsendi engiziletin, memlekettik-jeke menshik áriptestik, resýrs únemdeýdiń tıimdi mehanızmderi damytylatyn bolady. Jetinshiden, densaýlyq saqtaý mamandarynyń qurylymy jáne daıarlaý mazmuny jetildiriletin bolady.
«Segizinshi. «Aqparattyq Qazaqstan - 2020» memlekettik baǵdarlamasynyń sheńberinde Densaýlyq saqtaý salasynyń biryńǵaı aqparattyq júıesi odan ári damytylady», - dedi S.Qaıyrbekova.
