S. Qaıyrbekova Qytaıdan kóship kelgen qandasymyzdyń jumysqa ornalasý máselesin sheship berdi
ASTANA. 3 sáýir. QazAqparat - Búgin «Nur Otan» halyqtyq-demokratııalyq partııasynyń Ortalyq apparatynda QR Densaýlyq saqtaý mınıstri Salıdat Qaıyrbekova halyqty jeke ózi qabyldap,
san alýan máseleler boıynsha keńes berdi.
Qytaıdan kóship kelgen qandasymyz Qaırat Aıdarhan mınıstrdiń qabyldaýyna birinshi bolyp kirdi. Onyń mamandyǵy - hırýrg. Ol QR Densaýlyq saqtaý mınıstrliginiń arnaıy kýáligin alyp, Astanadaǵy medıtsınalyq ýnıversıtette is-tájirıbeden ótse de biraz ýaqyt boıy jumys tappaı júr. Osyǵan baılanysty mınıstrdiń qabyldaýyna jazylyp, búgin óz shaǵymyn jetkizdi. Q.Aıdarhannyń máselesi jaqyn arada sheshiletin boldy. Ony Astanadaǵy emhanalardyń birine jumysqa alýy tıis.
Aıta keteıik, mınıstrdiń qabyldaýyna oraı «Nur Otan» partııasynyń Qoǵamdyq qabyldaý bólimi 15 adamnan turatyn arnaıy tizimdi daıyndady. S.Qaıyrbekova osy tizim boıynsha qabyldaý ótkizdi. Búginde halyqtyń basym bóligin jumysqa ornalasý, kvota alý, turǵyn úı jáne taǵy basqa máseleler jıi mazalaıdy.
