S gepatıtin juqtyrǵan leıkemııamen aýyratyn balalardyń analary «Ómirdi saqtap qalamyz!» atty qoǵamdyq birlestik qurmaq

onyń aldyn alýda óz tájirıbelerimen bólisý úshin Qoǵamdyq birlestik qurmaq. Olar Qazaqstandy Onkologııalyq aýrýlarǵa shaldyqqan balalar ata-analarynyń halyqaralyq konfederatsııasyna múshe etýge nıetti, dep habarlaıdy QazAqparat.

Búgin Astanadaǵy «Báıterek» medıa-ortalyǵynda, aldaǵy aqpannyń 4-i jáne 15-i kúnderi atap ótiletin - Dúnıejúzilik rakqa qarsy kún men Onkoaýrýlarǵa shaldyqqan balalardyń halyqaralyq kúni qarsańynda, Qazaqstan boıynsha leıkemııamen aýyratyn balalardyń ata-analary bas qosyp, baspasóz máslıhatyn ótkizdi.

Olar qaterli aýrýlarǵa shaldyqqan balalarǵa berilýi tıis áleýmettik mártebe jaıynda, jeńildiktermen jáne dári-dármektermen qamtamasyz etilýi men óńirlerdegi naýqastar medıtsınalyq tekseristermen qıyndyqtarǵa tap bolyp otyrǵandyǵy turǵysynda áńgime qozǵady.

Máselen, Qostanaı oblysynan 100 shaqyrym jerde ornalasqan aýdan ortalyǵynan kelgen, qannyń qaterli dertine shaldyqqan 14 jastaǵy jasóspirimniń anasy Roza Ysmaǵulova, qannyń quramyna taldaý jasatý úshin apta saıyn Almatyǵa barýǵa májbúr ekendigin aıtyp otyr. Al 2,5 jastaǵy búldirshinniń anasy Anar Sadyqova (Almaty) medıtsınalyq mekemelerdiń barlyǵynda bul dıagnozdaǵy balalardyń qanyna taldaýdy durys jasaı bermeıtindigin, sol sebepti jekemenshik emhanalardyń aqyly qyzmetterine júginýge týra keletinin jetkizdi. Sondaı-aq astanalyq Hava Goıgova olarǵa beriletin kvotada balany tek ushaqpen jetkizý qajettigi jazylǵanymen, jergilikti bılik organdary shyǵyndy tek temirjol kólikteri úshin ǵana ótep beretindigin qynjyla aıtty.

Analardyń sózderine qaraǵanda, rak aýrýy «úkim» bolyp estilgenimen odan tolyǵymen aıyǵyp ketýge bolady. Biraq ol úshin moraldyq tózimdilikpen birge, materıaldyq úlken shyǵyndar qajet. Ata-analar: «Betpe-bet kezdesken bul aýrýmen ońashada qalmaýymyz qajet, qoǵam men memleket tarapynan kómekter kútemiz», desip, osy oraıda qannyń ragymen aýyratyn balalary bar ata-analardyń «Ómirdi saqtap qalamyz!» atty qoǵamdyq birlestigin (QB) qurýǵa nıetti ekendikterin jetkizdi. Olardyń aıtýynsha, búginde Birlestikke múshe bolýǵa 39 ata-anadan ótinishter kelip túsken jáne ony Ádilet mınıstrliginde resmı tirkeý úshin de barlyq qujattar ázirlenip qoıǵan. Sondaı-aq QB-nyń jeke shotyn ashý josparlanýda.

QB-nyń jumysy - ata-analardy bul dert jaıynda aqparattandyrý jáne onyń aldyn alý múmkindigin nasıhattaý, psıhologııalyq jáne múmkin materıaldyq kómek usyný. QB arqyly ata-analar Onkologııalyq aýrýlarǵa shaldyqqan balalar ata-analarynyń halyqaralyq konfederatsııasyna kirýge umtylmaq. Sebebi, qaterli dertpen aýyratyn balalary bar ata-analardyń dúnıejúzilik jelisi bolyp tabylatyn atalmysh Konfederatsııanyń negizgi baǵyty - ata-analarǵa ózderiniń tájirıbelerimen bólisýge jáne yqpaldasýǵa múmkindik berýge baǵyttalǵan.

Aıta keteıik, osy ata-analar 2009 jyldyń sońynda balalary Pedıatrııa jáne balalar hırýrgııasy ǵylymı ortalyǵynda S gepatıtin juqtyrdy dep dabyl qaqqan edi. Alaıda Densaýlyq saqtaý mınıstrliginiń janynan qurylǵan arnaıy komıssııanyń tekseris nátıjeleri, vırýsty Pedıatrııa ortalyǵynda jáne Qan quıý ortalyǵynan jetkizilgen qan men qan quramdaýyshtarynan juqtyrý múmkindigin joqqa shyǵarǵan bolatyn. Degenmen, búgingi baspasóz máslıhatynda ata-analar komıssııanyń bul sheshimimen tolyǵymen kelispeıtinderin qadap aıtty.