Sezd qyzmetin jetildirý, onyń órkenıetter men dinder dıalogynyń jahandyq protsesindegi orny men yqpalyn ári qaraı kúsheıtý isi ortaq maqsatymyz - Q. Toqaev
ASTANA. Jeltoqsannyń 2-si. QazAqparat /Qanat Mámetqazyuly/ - Sezd qyzmetin ári qaraı jetildirý, onyń órkenıetter men dinder dıalogynyń jahandyq protsesindegi orny men yqpalyn ári qaraı kúsheıtý isi bizdiń ortaq maqsatymyz bolýy abzal.
Búgin elordada ótip jatqan Álemdik jáne dástúrli dinder lıderleri sezi hatshylyǵynyń ІH otyrysynda atalǵan hatshylyq basshysy, QR Parlamenti Senatynyń Tóraǵasy Qasym‑Jomart Toqaev osylaı málim etti, dep habarlaıdy QazAqparat.
«Tyń ıdeıalar usynyp, belsendilikti arttyrý qajet. Sondyqtan, biz jazǵy forýmnyń izin sýytpaı, ózderińizdiń pikirlerińizdi bilý úshin osy otyrysymyzdy ótkizýdi uıǵardyq», dedi Q. Toqaev. Sonymen birge, Tóraǵa forýmǵa qatysýshylar tarapynan onyń jumysyn jetildirýge qatysty birqatar usynystar kelip túskenin aıtyp ótti. «Usynystardyń ishinde qazirgi zamannyń ózekti problemalary boıynsha sektsııalyq otyrystar sanyn kóbeıtý, is-shara jumysyna áıel adamdardy keńinen jumyldyrý týraly máseleler bar. Sondaı-aq dinaralyq tózimdilikti nyǵaıtýǵa baǵyttalǵan is-sharalar josparyn ázirleý, dinder arasynda syndarly dıalog júrgizý kontseptsııasyn pysyqtaý sııaqty bastamalar kóterildi. Ótken forým týraly sizderdiń pikirlerińizdi tyńdasaq, bul bizge 2012 jyly uıymdastyrylatyn tórtinshi sezge daıyndyq barysynda úlken septigin tıgizer edi», dedi Tóraǵa.
