Serra-Leoneniń densaýlyq saqtaý mınıstrin Ebola derti úshin qyzmetinen bosatty
ASTANA. QazAqparat - Serra-Leone prezıdenti Ernest Baı Koroma juma kúni, 29 tamyzda, densaýlyq saqtaý mınıstri Mıatta Kargbony qyzmetten bosatty. Memleket basshysy mundaı sheshimdi Ebola indeti bul eldiń 400 azamatynyń ómirin qıǵan soń qabyldady, dep habarlady Lenta.ru.
Densaýlyq saqtaý mınıstrligin Mıatta Kargbonyń orynbasary doktor Abýbakar Fofana basqaratyn boldy.
Ebola aýrýy aǵymdaǵy jyldyń aqpanynan Gvıneıada tarala bastaǵan. Keıin vırýs kórshiles Serra-Leonege, Lıberııaǵa jáne Nıgerııaǵa tarady. 25 tamyzda belgili bolǵandaı, qaýipti dert Kongo Demokratııalyq Respýblıkasyna jetti. Munda atalǵan aýrý saldarynan kem degende 2 adam qaza tapty.
DDSU sońǵy málimetterine qaraǵanda, vırýs 1 myń 552 adamnyń ómirin qıdy, jalpy derttiń 3 myń 069-dan asa jaǵdaıy tirkeldi.
