Serra-Leonede quny 6 mln. dollardan asatyn almaz tabyldy
ASTANA. QazAqparat - Serra-Leonede quny 6 mln. dollardan asatyn almaz tabyldy. Eldiń paıdaly qazbalar agenttigi salmaǵy 153 karat bolatyn bul asyl tas shyǵystaǵy Kono okrýginen tabylǵanyn habarlady, bul - onjyldyqtaǵy eń baǵaly olja, dep habarlady Bı-Bı-Sı.
Budan buryn eń úlken almaz 1972 jyly Serra-Leone juldyzy kenishinin tabylǵan bolatyn.
Serra-Leone - álemdegi eń kedeı elderdiń biri, degenmen memleket aýmaǵy almaz kenderine baı, bul paıdaly qazba 1991-2002 jyldardaǵy azamat soǵysyn qarjylandyrýdyń kózine aınalǵan edi.
2012 jyly BUU-nyń Serra-Leone boıynsha trıbýnaly Lıberııanyń burynǵy prezıdenti Charlz Teılordy 50 jylǵa túrmege otyrǵyzǵan bolatyn. Gaagadaǵy sot ony Revolıýtsııalyq birlesken maıdan kóterilisshilerine qoldaý kórsetýge aıypty dep tapty.
Serra-Leonedegi azamat soǵysy 1991-2002 jyldary ortalyq úkimet pen bılikti tartyp alýǵa jáne eldegi almazy kenishterine qojalyq etýge tyrysqan «Birlesken revolıýtsııalyq maıdan» arasynda boldy.Janjal 100 myńnan astam adamnyń qazaǵa ushyraýyna ákep soqtyrdy.
