Serra-Leonede Ebola bezgeginen taǵy bir dáriger kóz jumdy
ASTANA. QazAqparat - Batysafrıkalyq Serra-Leone respýblıkasynda Ebola bezgeginen tórtinshi dáriger qaıtys boddy, dep habarlady dúısenbige qaraǵan túnde Frans Press agenttigi eldiń densaýlyq saqtaý mınıstrligine silteme jasap.
«Іndetpen kúreste taǵy bir qaıratkerimizdiń kóz jumýy bizder úshin úlken qaıǵy», - dep habarlady agenttikke mınıstrlik ókili Brıma Kargbo.
Serra-Leonedegi indetten medıtsına qyzmetkerleri arasynda ólgen alǵashqy áıel doktor Olıvııa Bak boldy. Budan buryn úsh dárigerdiń qaıtys bolǵany habarlandy. Sonymen birge 50-ge tarta medbıke osy vırýstan qazaǵa ushyrap otyr.
Dúnıejúzilik Densaýlyq saqtaý uıymy budan buryn Ebola vırýsiniń qurbandary 2,4 myń adamǵa jetkeni týraly aqparat taratty, osy indetti barlyǵy 4,7 myńnan astam adam juqtyrdy. DDSU tutastaı alǵanda Batys Afrıka aýmaǵynda indet odan ári shapshań taralyp kele jatqanyn málim etti.
Qazirgi kezde indetti juqtyrý Lıberııada, Serra-Leonede, Gvıneıada, Nıgerııada, Kongo Demokratııalyq Respýblıkasynda jáne Senegalda tirkelgen. Іndetti juqtyrǵandardyń 53 paıyzy ólip ketken. Ázirge vırýsqa qarsy tıimdi vaktsına bolmaı tur.
