Serra-Leone elshisiniń otbasy Reseıden alastatyldy
ASTANA. Qazannyń 1-i. QazAqparat - Serra-Leone eliniń tótenshe elshisi Samı Tank Týreı, onyń jubaıy jáne uly Rahym Reseıden shyǵarylyp, el aýmaǵyna kelýge tyıym salynǵan tulǵalar dep jarııalandy. Bul týraly «Maıak» radıosy» habarlaıdy.
LifeNews agenttiginiń aqparaty boıynsha, máskeý mılıtsııasy elshiniń ulyn birneshe ret jaýapqa tartpaq bolǵan, biraq, quqyq qorǵaý organdarynyń qyzmetkerleri Serra-Leone elshiligine kelgen saıyn, elshi nemese onyń kómekshileri ımmýnıtetke kepildik beretin kýálikterin kózge shuqyp otyrǵan.
Tártip saqshylarynyń deregi boıynsha, Rahym Týreıge birneshe ret adam zorlady degen kúdik keltirilip otyr.
