S. Dúısenbaev Qyzylorda qalalyq jumyspen qamtý jáne áleýmettik baǵdarlamalar bóliminiń bastyǵy qyzmetine taǵaıyndaldy

Dúısenbaev Serik Ábishuly 1951 jylǵy 6 qarashada dúnıege kelgen. Joǵary bilimdi. 1977 jyly Jambyl jeńil jáne tamaq ónerkásibi tehnologııalyq ınstıtýtyn «ınjener-mehanık» mamandyǵy boıynsha, 2009 jyly Qyzylorda gýmanıtarlyq ýnıversıtetin «qarjy» mamandyǵy boıynsha bitirgen.

Óz qyzmet jolyn «Kazselhoztehnıka» Shıeli aýdandyq birlestiginiń slesar-montajnıgi bolyp bastap, 1977-1986 jyldary «Nan ónimderi» birlestiginiń ınjener-mehanıgi, osy mekemeniń bas mehanıgi, dırektorynyń orynbasary, bas ınjener, dırektor laýazymdarynda jumys istegen.

1996-2002 jyldar aralyǵynda «El yrysy» memlekettik kommýnaldyq kásipornynyń dırektory, 2002-2005 jyldary «Qyzylorda aýdanaralyq jylý ortalyǵy» AQ prezıdenti, 2005-2007 jyldary «Arzan bazar» jaýapkershiligi shekteýli seriktestiginiń dırektory bolǵan.

2007-2008 jyldary qalalyq turǵyn úı kommýnaldyq sharýashylyǵy, jolaýshylar kóligi jáne avtomobıl joldary bóliminiń bastyǵy, 2008 jyldyń qyrkúıek aıynan jańa qyzmetke deıin Qosshyńyraý aýyldyq okrýginiń ákimi qyzmetin atqaryp keldi.