S. Demırel atyndaǵy ýnıversıtettiń tynys-tirshiligimen jurtshylyq endi smartfonnan qulaǵdar bolyp otyrady
ALMATY. 4 maýsym. QazAqparat - Súleımen Demırel atyndaǵy ýnıversıtet androıd negizindegi smartfondarǵa arnalǵan "SDU informer" mobıldik qoldanbasyn shyǵardy.
Ol ýnıversıtet týraly negizgi málimetke qoljemdilikti arttyrý men qoǵammen baılanysty jeńildetý maqsatynda jasaldy. Ony www.play.google.com saıtynan kóshirip jazyp alýǵa bolady. Qazaqstanda tuńǵysh ret jasalyp otyrǵan bul qoldanbanyń eń basty artyqshylyǵy ol - ýnıversıtetke qatysty grant, baıqaý, semınar jáne basqa da maǵlumattar sııaqty sońǵy jańalyqtarmen árdaıym qamtamasyz etip otyrady. Odan sondaı-aq, ýnıversıtet ómiri, fakýltetter, klýbtar jaıly tyń aqparattar, baılanys maǵlumattardy, ýnıversıtet oqytýshylary basyp shyǵarǵan e-pub úlgisindegi kitaptardy, sońǵy jańalyqtar men alda bolatyn oqıǵalar jaıly málimetterdi tabý múmkindigi bolady. Endi qoldanbanyń basqa smartfondarǵa (Apple jáne Windows Phone) arnalǵan nusqasy jasalyp jatyr.
