S. Dıachenkonyń jetekshiligimen Apparat jumysynyń qorytyndysy saralandy - Májilis
ASTANA. 2 shilde. QazAqparat - Besinshi shaqyrylǵan Qazaqstan Respýblıkasy Parlamentiniń birinshi sessııasynyń aıaqtalýyna oraı Májilis Tóraǵasynyń orynbasary Sergeı Dıachenkonyń jetekshiligimen Apparat qyzmetkerlerine arnalǵan oqýy bolyp ótti.
Bul jóninde Májilistiń baspasóz qyzmeti habarlady.
Atalǵan shara Apparat jumysynyń qorytyndysy shyǵarylyp, aldaǵy atqarylatyn jumystardyń josparlaryn belgileýge arnaldy.
«Palatanyń zań jobalarymen jumysyndaǵy Parlament Májilisi Apparatynyń róli men orny» degen taqyrypta ótken basqosýdabesinshi shaqyrylymnyń birinshi sessııasynyń qorytyndylary týraly QR Parlamenti Májilisi Apparaty basshysynyń orynbasary Álııa Qadyrbaeva baıandama jasap, ótken kezeń ishindegi jumystarǵa toqtaldy.
Palatadaǵy salalyq komıtetterdiń jáne jumys toptarynyń zań jobalarymen jumys júrgizýdegi qyzmetin uıymdastyrý týralyMájilistiń Ekologııa máseleleri jáne tabıǵat paıdalaný komıtetiniń qyzmetin qamtamasyz etý bóliminiń meńgerýshisi Amanbek Ramazanov baıandap berdi.
Zań jobalarynyń quqyqtyq saraptamasynyń mańyzy týraly aıtqan Zańnama bólimi meńgerýshisiniń orynbasary Marhabat Qosabaeva birinshi sessııa barysyndaǵy Palatanyń is-tájirıbelerine toqtalyp ótti.
Kelip túsken zań jobalarynyń tirkeýge alynǵanǵa deıingi tekserýdiń erekshelikteri jóninde Qujattamamen qamtamasyz etý bóliminiń meńgerýshisi Gúlmıra Qalmanbetova, sondaı-aq Redaktsııalaý jáne aýdarma bóliminiń meńgerýshisi Dáýitáli Omashuly baıandap berdi.
Budan keıin QR Parlamenti Májilisi Apparatynyń Basshysy Erǵalı Egemberdi aldaǵy jumystar týraly óz pikirin ortaǵa saldy.
Apparat oqýyn QR Parlamenti Májilisi Tóraǵasynyń orynbasary S.Dıachenko qorytyndylady.
