S.D.Asfendııarov atyndaǵy QazUMÝ-de Ustazǵa eskertkish ashyldy
ALMATY. 9 qyrkúıek. QahzAqparat - QazUMÝ-de «Ustazyma» memorıaldyq kesheni ashyldy, dep habarlady medıtsınalyq ýnıversıtettiń baspasóz qyzmetinen.
Bul erteden jumys istep kele jatqan JOO-ny damytýdyń basynda turǵan, óziniń búkil ómiri men jastyǵyn arnap, eldiń ozyq medıtsına mamandarynyń ustahanasyn damytýǵa úles qosqan adamdardyń barlyǵyna taǵy bir márte qurmet kórsetý boldy.
QazUMÝ rektory Aıqan Aqanovtyń bastamashylyq etýimen ashylǵan Ustazǵa eskertkish stýdentterge eń adamgershiligi joǵary mamandyq - medıtsınany oqytatyn barlyq oqytýshylardy qurmetteýdiń belgisi boldy.
«Ustazyma» memorıaldyq kesheni eskertkishten jáne QazUMÝ-diń barlyq professorlarynyń esimi jazylǵan memorıaldyq taqtalardan turady. Eskertkishtiń ashylý saltanatynda akademık Tóregeldi Sharmanov aıtqandaı, «ár esimniń artynda tutas tarıh, tutas dáýir bar, bul adamdardyń árqaısysy ýnıversıtettiń bolashaǵyna jol salǵan».
«Biz máńgilik emespiz, ýnıversıtet máńgilik, JOO-nyń dástúrleri jáne bizdiń elimizge kóptegen tamasha dárigerlerdi daıyndap shyǵarýǵa eńbek etken barlyq oqytýshylar týraly esteligimiz máńgilik», - dep atap ótti QazUMÝ rektory A.Aqanov.
QazUMÝ 83 jyl ishinde 70 000-ǵa jýyq dárigerlerdi daıyndap shyǵarǵanyn atap ótken jón.
