S.Bezrýkov orys aqyny S.Esenındi basqa qyrynan tanytty
STANA. Shildeniń 5-i. QazAqparat /Marlan Jıembaı/ - Jeksenbi kúni elordanyń beıbitshilik pen kelisim saraıynda Reseıdiń halyq ártisi, teatr jáne kıno akteri Sergeı Bezrýkov basty róldi somdaǵan «Buzaqy» mýzykalyq poetıkalyq qoıylymy qala qonaqtary men turǵyndarynyń nazaryna usynyldy. Qoıylym aldynda BAQ ókilderimen júzdesken akter spektakl jaıynda keńinen áńgimelep berdi.
Reseılik «Birinshi arnadan» kórsetilgen «Esenın» fılminde aıtylmaı qalǵan oılardyń bolǵandyǵyn, sonymen qatar onyń óleńderiniń tym az paıdalanylǵandyǵyn moıyndaıtynyn aıtqan S.Bezrýkov «aqynnan góri ol kúrdeli harızmaly, qarama-qaıshylyqty minezdi adam bolatyn. Sondyqtan fılm detektıv janrynda este qaldy. Alaıda bul televızııalyq fılmniń tapsyrmasy, ıaǵnı aqyn ólimin kórkemdik quraldar arqyly ózindik tarıhyn kórsetý bolatyn», deıdi. Bul oraıda aqynnyń ózin-ózi óltirdi degen resmı nusqanyń qalyp otyrǵandyǵyn aıta kelip, óziniń bul nusqaǵa senbeıtindigin de jasyrmady. Sonymen qatar fılmde aqynnyń kóptegen óleńderiniń alynyp tastalǵandyǵyn da atap ótti.
«Serıalda kóp óleń oqydym, birazyn kesip tastady, óıtkeni televıdenıe úshin formaty sáıkes kelmeıdi. Óleń serıaldardy uzartyp jiberedi ári kórermen tyńdamaıdy dep sanady. Alaıda bári kerisinshe bolyp shyqty. Kórermender «Óleńderi qaıda?» dep suraıdy. Mine osylaısha aıtylmaǵan oılar qalyp qoıdy. Osylaısha meniń sahnalaýymmen «Buzaqy» qoıylymy dúnıege keldi. Bul jerde stsenarııshi joq, stsenarııshi Esenınniń ózi, óleń arqyly kórermendermen baılanystyratyn onyń jyr shýmaqtary», deıdi akter.
