Іs basqarmasynyń kásiporyndary «Taza Qazaqstan» aktsııasyna belsene atsalysty
ASTANA. KAZINFORM - Respýblıkalyq «Taza Qazaqstan» aktsııasyna QR Prezıdenti Іs basqarmasyna qarasty kásiporyndar belsene atsalysyp jatyr.
Búgin «Almaty Resort» shıpajaıy qyzmetkerleri ekologııalyq is-sharaǵa qoldaý bildirip, senbilikke shyqty. Emdeý-saýyqtyrý kesheniniń basshylyǵy, dárigerler qaýymy, tamaqtaný bólimi jáne sharýashylyq bólimi qyzmetkerlerine deıin jumys istedi. Aýmaqta shashylǵan japyraq men qýraǵan aǵash butaqtaryn, basqa da qoqysty tazalady.
Injenerlik-sharýashylyq qyzmetiniń basshysy Evgenıı Chýdın:
-Osyndaı qoǵamdyq jumystardy jıi uıymdastyrý kerek. Bul ekologııalyq mádenıettiń qalyptasýyna yqpal etedi, halyq qorshaǵan ortany qorǵaýdyń mańyzyn túsinedi. Sonymen qatar úlken, tatý ujymda korporatıvtik rýh nyǵaıa túsedi,- deıdi.
Ekologııalyq aktsııa aıasynda shıpajaı ujymy shamamen 15 myń sharshy metr jerden 2 júk kóligine tıelgen qoqys shyǵarǵanyn aıta keteıik. Medortalyqqa qarasty Ulttyq gospıtal ujymy ekologııalyq aktsııalarǵa únemi atsalysyp keledi. Kúzdiń sońyndaǵy is-sharaǵa da dárigerler qaýymy qulshyna qatysty.
Mekemeniń aýla tazalyǵyna jaýapty qyzmetkeri Ábdijapar Baızaqov osynda 9 jyldan beri taban aýdarmaı eńbek etip keledi.
- Kóktem shyqqaly birneshe senbilikke qatystyq. Bizdiń ujymnyń músheleri óte eńbekqor, mádenıetti, kishipeıil. Senbilik saıyn jumysqa qajetti zattaryn alyp, qulshynyp shyǵady, - deıdi ol.
Іs basqarmasyna qarasty «QR Prezıdentiniń Ákimshiligi men Úkimetiniń ákimshilik ǵımarattary dırektsııasy» kásipornynyń ujymy da ekologııalyq aktsııadan syrt qalmady. Jyl basynan beri úshinshi ret senbilikke shyqqan qyzmetkerler elordadaǵy Jeltoqsan kóshesiniń boıynda ornalasqan gúlzarda jumys istedi.
Sóıtip, 6 myń gektarǵa jýyq jerdi alyp jatqan gúlzar aýmaǵy shashylǵan qoqys pen shirigen japyraqtardan tazaryp qaldy. Odan bólek, mekemeniń ınjenerlik korpýsyndaǵy sorǵylardy tazartyp, áriptesteriniń jumysyna qolǵabys jasady.
