S. Áıimbetov Ekonomıkalyq reforma jáne óńirlik damý komıtetiniń tóraǵasy bolyp saılandy - Májilis
yrkúıektiń 2-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary Ekonomıkalyq reforma jáne óńirlik damý komıtetiniń tóraǵasy qyzmetine Seıitsultan Áıimbetovty saılady.
Atalǵan kandıdatýrany jıyn barysynda palata Tóraǵasy Oral Muhamedjanov usynǵan bolatyn.
Esterińizge sala keteıik, budan buryn Ekonomıkalyq reforma jáne óńirlik damý komıtetiniń tóraǵasy qyzmetin atqarǵan depýtat Vladımır Bobrov Májilis Tóraǵasynyń orynbasary bolyp saılanǵan edi. Osyǵan oraı, O. Muhamedjanov S. Áıimbetovtyń kandıdatýrasyn palatanyń talqysyna shyǵardy. Tóraǵanyń aıtýynsha, S. Áıimbetovtyń kandıdatýrasy «Nur Otan» partııasy basshylyǵymen kelisilip, Májilistegi partııa fraktsııasynda talqylaý barysynda da qoldaý tapqan.
Áriptesteri spıker usynǵan komıtettiń jańa tóraǵasyn jaqtap, biraýyzdan daýys berdi.
