S.Asfendııarov atyndaǵy QazUMÝ-da Qysqy mektep ashyldy

Ol Ulttyq ǵylym Akademııasynyń akademıgi, professsor, Q.Sátbaev atyndaǵy syılyqtyń laýreaty, respýblıkaǵa eńbek sińirgen dáriger, Semeı polıgonyndaǵy ıadrolyq jarystyń zardabyn alǵash zerttegen Baqııa Atshabarovtyń qurmetine arnalyp otyr.

Qysqy mektepti B.Atshabarov atyndaǵy irgeli zertteýler jáne qoldanbaly medıtsınasy ǵylymı-zertteý ınstıtýty uıymdastyrdy.

Baqııa Atshabarov Qazaqstan Respýblıkasynyń Ulttyq ǵylym Akademııasynyń akademıgi, ǵylymdaǵy iri tulǵa. Densaýlyq saqtaý salasy men medıtsına ǵylymynyń damýy men qalyptasýynyń bastaýynda turǵan adam.

Ol 30 jyldan asa Keńes Odaǵynyń negizgi ǵylymı medıtsınalyq ortalyǵy - Aımaqtyq patologııa ınstıtýtyn basqarǵan. Onda týberkýlez jáne brýtsellez epıdemıologııasyn, aýyl sharýashylyǵyndaǵy jáne óndiristegi eńbek gıgıenasynyń ǵylymı problemalary, radıatsııalyq gıgıena, áleýmettik gıgıena jáne densaýlyq saqtaý uıymdary, tamaq ishý gıgıenasy, júıke júıesiniń patofızıologııasy jáne t.b. sııaqty jumystardy zerttep damytýda úlken is atqarǵan.

Ol Semeı polıgonyndaǵy ıadro jarylysynyń keri saldaryn alǵash zerttep, halyqqa shyndyqty jetkizýshi. Baqııa Atshabarov Semeı palıgonyndaǵy 1957-1959 jyldary júrgizilgen zertteý jumystarynyń esh zııany joq degen nátıjesin alǵash bolyp keri dáleldep shyqty. Onyń on eki tomdyq ǵylymı esepteri istegen jumystarynyń oń nátıjesin berdi. Qorytyndysynda onyń osy jerdegi jumystary úzdik bolyp shyqty. Al, aımaqtyq patologııa, ıaǵnı «Qaınar sındromy» álemdik medıtsına ádebıetine jańa aýrý túri retinde endi.

Atom synaǵyna qatysty atqarǵan jumysy ǵalymnyń jalǵyz ǵylymı izdenisi emes. Ol budan da basqa kóptegen ıod jetispeýshiligi, júıke júıelerindegi gıpertonıkalyq áser jáne t.b. taqyryptaǵy zertteýlerge kandıdattyq pen doktorlyǵyn qorǵap shyqqan.

Qatysýshylarǵa «Ǵalymnyń qurmetine oraı» beınefılm kórsetildi. Odan keıin «Akademık B.Atshabarovtyń ǵylymı murasy», «Ǵylym-bilim zerthanasy: tabys jáne keleshek», «Zamanaýı avtomattandyrylǵan zerthana», «Ǵylym-bilim zerthanasyndaǵy ýnıversıtettik ǵylym», «Bilimdegi jańashyldyq: ǵylym-bilim zerthanasy», «Elektroforezdegi jańa tásilder» degen taqyryptarda baıandamalar jasaldy.

«Qysqy mektep tek bir ǵana kórnekti ǵalym, álem ǵylymyna jańalyq eńgizgen akademık Bahııa Atshabarovtyń qurmetine ǵana arnalyp otyrǵan joq. Bul, sonymen qatar, QazUMÝ-dyń ujymyna, ıaǵnı osy oqý ornynyń qalyptasýyna eren eńbegin tıgizgen adamdarǵa da arnalyp otyr. Ýnıversıtet urpaq arasynda ıntellektýaldyq baılanysty saqtap qaldy. Adamgershilik jáne dástúr - QazUMÝ-dyń bolashaqqa senimdi qaraıtyn arqaýlarynyń biri» - dedi ýnıversıtet rektory Aıqan Aqanov.