S.Asfendııarov at. QUMÝ rektory A.Aqanov pen OQO-da departamenti basshysy A.Jaqsybekov para alǵany úshin sottaldy
ASTANA. QazAqparat - QR Bilim jáne ǵylym mınıstrligindegi jemqorlyqqa qarsy saıasattyń júzege asý máseleleri talqylanǵan keńeste S.D. Asfendııarov atyndaǵy Qazaq ulttyq medıtsına ýnıversıtetiniń rektory A.Aqanov bıýdjet qarjysyn jymqyrǵany úshin, Bilim berý salasyn baqylaý komıtetiniń OQO boıynsha departament basshysy A.Jaqsybekov para alǵany úshin sottalǵany týraly aıtyldy.
«2015 jyly sybaılas jemqorlyqqa qarsy is-qımyl qyzmetinde 151 tulǵaǵa qatysty 248 sotqa deıingi tergeý amaldary júrgizilgenin tirkedi»,- dedi QR Sybaılas jemqorlyqqa qarsy is-qımyl ulttyq bıýro tóraǵasynyń orynbasary Alık Shpekbaev.
Buryn habarlanǵandaı, Almaty qalasy Almaly aýdandyq soty C.Asfendııarov atyndaǵy Qazaq ulttyq medıtsınalyq ýnıversıtetiniń rektory Aıqan Aqanovty QR QK 307-babynyń 2-bólimimen aıypty dep taýyp, 2000 AEK (3 964 000 teńge) kóleminde aıyppul saldy. Sondaı-aq, Aıqan Aqanov 7 jyl boıy memlekettik qyzmet atqarý quqyǵynan aıryldy.
Shymkent qalasyndaǵy ál-Farabı atyndaǵy aýdandyq soty OQO-nyń bilim salasyn baqylaý departamentiniń basshysy A.Jaqsybekovti QR QK-niń 366-baby boıynsha (para alý) aıypty dep tanyp, 51,6 mln. teńge kóleminde aıyppul saldy. Budan basqa, sot burynǵy sheneýniktiń múlkin tárkilep, ómiriniń sońyna deıin memlekettik organdarǵa qyzmetke ornalasý quqyǵynan aıyrdy.
