S. Ahmetovke «Qoljetimdi baspana-2020» baǵdarlamasynyń júzege asyrylýy jaıynda baıandalady
ASTANA. 21 qazan.QazAqparat - Búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev elimizdiń Úkimet basshysy Serik Ahmetovtiń osy apta ishinde jumys kestesin jarııa etti.
Atap aıtqanda, erteń Premer-Mınıstrdiń tóraǵalyǵymen Úkimet otyrysy ótip, onda «Qoljetimdi baspana-2020» baǵdarlamasynyń júzege asyrý barysy keńinen talqyǵa túsetin bolady.
«Baǵdarlamanyń aımaqtarda aǵymdaǵy jyldyń toǵyz aıy ishinde júzege asyrylýynyń qorytyndysy boıynsha Óńirlik damý mınıstriniń orynbasary Serik Nokın, sonymen qatar oblystardyń, Almaty men Astana qalalarynyń ákimderi baıandap, suraqtarǵa jaýap beredi», -dedi ol.
Sonymen qatar, 25 qazan kúni S.Ahmetov jumys saparymen Almaty oblysyna barady. Onda Úkimet basshysy óńirdegi memlekettik baǵdarlamalardyń júzege asyrylýymen jáne Almaty oblysynyń ekonomıkalyq damýymen keńinen tanysýdy kózdep otyr.
