S.Ahmetov jumys saparymen Mańǵystaý oblysynda júr
ASTANA. 14 mamyr. QazAqparat - Úkimet basshysynyń birinshi orynbasary Serik Ahmetov Premer-Mınıstr Kárim Másimovtiń tapsyrmasymen Mańǵystaý oblysynda jumys saparymen júr,
dep habarlady pm.kz saıty.
Búgin S.Ahmetov Jańaózen qalasyna barady. Onda birinshi vıtse-premer qalanyń áleýmettik-ekonomıkalyq damýynyń 2009-2012 jyldarǵa arnalǵan keshendi josparynyń aıasynda salynyp jatqan turǵyn úılerdiń qurylys barysyn tekseredi, sondaı-aq «Monoqalalardy damytý» baǵdarlamasynyń aıasyndaǵy «Samal» yqshamaýdanyn abattandyrý jobasymen tanysady.
Ol sondaı-aq «KazGPZ» JShS-inde bolyp, zaýyttyń tehnologııalyq úrdisin qalpyna keltirý jumystarymen tanysady.
Oǵan qosa, búgin S.Ahmetovtiń tóraǵalyǵymen Jańaózen qalasynyń máseleleri jónindegi jumys tobynyń otyrysy ótedi. Onda qalanyń aǵymdaǵy jaǵdaıy, Jańaózendi áleýmettik-ekonomıkalyq damytý keshendi josparynyń iske asyrylý barysy qaralady.
Tústen keıin S.Ahmetov «Daewoo Shipbuilding&Marine Engineering Co., LTD» kompanııasynyń burǵylaý barjasyn sýǵa túsirý rásimine qatysady. Bul barja qazaqstandyq teńiz qaırańynyń perspektıvalyq ýchaskesinde geologııalyq barlaý jumystaryn júrgizýge arnalǵan.
