S. Ahmetov: Jınaqtaýshy zeınetaqy júıesin jetildirý - búgingi ýaqyt talabynan týyndap otyrǵan qajettilik
ASTANA. 5 mamyr. QazAqparat - Biryńǵaı zeınetaqy qory azamattardyń osy júıege barynsha kóbirek qatysyp, qarajatty neǵurlym kóbirek jınaqtaýy úshin qajet.
Bul týraly búgin «Habar» telearnasyndaǵy «Jeti kún» baǵdarlamasyna bergen suhbatynda Úkimet basshysy Serik Ahmetov málim etti.
«Zań jobasynda áıelderdiń zeınet jasyn 58-den 63 jasqa kóterý týraly usynys bar. Degenmen negizgi másele zeınet jasyn birden kóterýde emes. Osyǵan nazarlaryńyzdy aýdarǵym keledi. Biz zeınet jasyn 2014 jyldan bastap ár jarty jyl saıyn kezeń-kezeńimen 10 jyl ishinde kóterýdi usynyp otyrmyz. Demek, tolyq 63 jasta zeınetke shyǵý tek 2024 jyldan bastalatyn bolady»,-dep toqtaldy S. Ahmetov.
«Biz mundaı qadamǵa nelikten baryp otyrmyz? Qazirgi zań boıynsha 1998 jylǵa deıingi eńbek ótiline zeınetaqyny memleket tóleıdi. Alaıda, atalǵan sanattaǵy zeınetkerler sany ýaqyt ótken saıyn azaıa beredi. Kerisinshe, búgingi jınaqtaýshy júıeden zeınetaqy alatyn adamdardyń sany kóbeıe túsedi. ıAǵnı, 2018 jyldan bastap zeınetkerlikke shyǵatyn áıelderdiń bıýdjetten alatyn zeınetaqy mólsheri tómendeıdi. Endi ol bıýdjetke emes, adamnyń qordaǵy óziniń jınaǵan qarajatyna tikeleı baılanysty bolmaq. Mine osyǵan oraı jınaqtaýshy zeınetaqy júıesin jetildirý máselesi alǵa shyǵyp otyr. Osy tusta arnaıy eskertkim keledi, bul - búgingi ýaqyt talabynan týyndap otyrǵan qajettilik. Demek, Biryńǵaı zeınetaqy qory azamattardyń osy júıege barynsha kóbirek qatysýy, qarajatty neǵurlym kóbirek jınaqtaýy úshin qajet»,-dedi Premer-Mınıstr.
