S.Ahmetov «jasyl» ekonomıkaǵa kóshý tujyrymdamasyn jemisti júzege asyrý úshin is-sharalar josparyn ázirleýdi tapsyrdy
ASTANA. 4 maýsym. QazAqparat - Búgin Úkimet otyrysynda QR Premer-Mınıstri Serik Ahmetov elimizdiń Qorshaǵan ortany qorǵaý mınıstrligine «jasyl» ekonomıkaǵa kóshý tujyrymdamasyn jemisti júzege asyrý úshin is-sharalar josparyn ázirleýdi tapsyrdy.
Óz sózinde «jasyl» ekonomıkaǵa kóshýdiń jańa tujyrymdasyn Memleket basshysy bekitkendigin atap ótken S.Ahmetov: «Tujyrymdamany jemisti júzege asyrý úshin is-sharalar jospary qajet. Sondyqtan Qorshaǵan ortany qorǵaý mınıstrligine eki aptalyq merzimde ony ázirlep, Úkimet qaraýyna engizýdi tapsyramyn. Ol naqty, túsinikti sıpatta bolýy tıis»,- dedi.
Sonymen qatar Úkimet basshysy tujyrymdamanyń negizgi ustanymdary tabıǵı resýrstardy paıdalanýdy ońtaılandyrýǵa, ekojúıeni tımdi basqarýǵa, «taza» tehnologııalardy keńinen engizýge, energııanyń jańaratyn kózderin damytýǵa, halyq arasynda ekologııalyq mádenıetti qalyptastyrýǵa baǵyttalǵanyn basa aıtty.
