S. Ahmetov: Úsh aýysymda bilim berý men apatty mektepter problemasyna núkte qoıý kerek
ASTANA. 31 qańtar. QazAqparat - Apatty mektepter máselesi kúntártibinde turǵan óńirlerde tıisti sheshimder belsendi túrde atqarylady.
Bul týraly búgin QR Bilim jáne ǵylym mınıstrligiń keńeıtilgen alqa májilisinde Úkimet basshysy Serik Ahmetov aıtty.
«Barlyǵymyz kirisip, mektepterde úsh aýysymda bilim berý men apatty mektepter problemasyna núkte qoıý kerek. Ókinishke qaraı, bizde bul másele bar»,-dedi Úkimet basshysy.
Óz kezeginde Bilim jáne ǵylym mınıstri Baqytjan Jumaǵulov 2013 jyldyń basty mindeti apatty jáne úsh aýysymda oqytatyn mektepterdi joıýǵa negizdeletinin aıtty. «Tájirıbe kórsetkendeı, apatty mektepterdi qansha joısaq ta, olar sol kólemde qaıtadan paıda bolyp jatyr. Sondyqtan osy problemany túbegeıli sheshý úshin jańa naqty mehanızm ázirleý qajet. Ol tek faktini ǵana anyqtamaýy tıis. Sonymen qatar, aldaǵy jyldarǵa josparly túrde negizdelgen ýaqytyly jóndeýdi júrgize otyryp, apattyń aldyn alýdy qarastyrý qajet. Bul jerde negizgi jaýapkershilik jergilikti atqarýshy organǵa júkteledi»,-dedi B. Jumaǵulov.
