S.Ahmetov TJM, oblystar jáne Astana men Almaty qalalary ákimderine sý tasqynynyń jaǵdaıyna táýlik boıy monıtorıng júrgizýdi tapsyrdy
ASTANA. 18 naýryz. QazAqparat - Búgin QR Premer-Mınıstri Serik Ahmetov selektorlyq rejimde kóktemgi sý tasqynyna daıyndyq máseleleri qaralǵan keńes ótkizdi.
«Sý tasqyny ázirge shegine jetken joq», - dep atap ótken S.Ahmetov búkil elimiz boıynsha tasqyn qaýpiniń bar ekenin, ásirese, onyń shyǵys jáne ortalyq óńirlerde, ońtústik oblystarda saqtalyp otyrǵanyn basa aıtty.
Osyǵan baılanysty Úkimet basshysy QR Tótenshe jaǵdaılar mınıstrligi, oblystar jáne Astana men Almaty qalalary ákimderine sonymen birge múddeli organdarǵa respýblıkada sý tasqynynyń jaǵdaıyna táýlik boıy monıtorıng júrgizýdi uıymdastyrýdy tapsyrdy.
Sondaı-aq S.Ahmetov «barlyq tehnıkalardy jumyldyrý, qar tazalaý jumystaryn kúsheıtip, qoǵamdyq senbilikter ótkizý qajettigine» toqtaldy.
QR Premer-Mınıstriniń resmı saıty taratqan aqparatqa qaraǵanda, bul jumystardy úılestirip otyrý jáne onyń oryndalý barysy týraly ýaqytynda aqparattandyrý Úkimet basshysynyń birinshi orynbasary Baqytjan Saǵyntaevqa júkteldi.
